Software librearekin online formazioak diseinatzea. Ekarri ordenagailua eta ikasi Moodle erabiltzen!

Pentsatu duzu zure prestakuntza online abiaraztea? Zure kolektiboak edo erakundeak ahalik eta etekin handiena atera nahi die horretarako dauden plataformei? Online formazioak geratzeko iritsi direla dirudiela, Zuk Zeuk Egin-ek Moodle plataforman ditugun aukera guztien inguruan trebatzeko gune bat eskaini nahi dizu.

Moodle lineako ikaskuntza-komunitateak sortzeko software-tresna bat da. Prestakuntza honen bidez, ezagutza tekniko handirik izan gabe ahalik eta etekinik handiena ateratzeko zer tresna dauden ikasi ahal izango duzu. Moodlerekin batera, H5Pk jarduera interaktiboak egiteko eskaintzen dituen aukera batzuk ezagutuko ditugu (bideoak, egutegiak, galdera-sorta tartekatuak…).

Gorka Julio, komunikazioan eta teknologia sozial eta libreetan aditua, Talaios kooperatibako kidea, teknologia libreetan oinarritutako ekonomia sozial eraldatzailea bultzatzen ari da.

Saio hau formatu presentzialean egitearen aldeko apustua egin dugu, denok Gorkak adierazitako urratsak jarraitzen ditugula ziurtatzeko. Horregatik, zure lekua ziurtatzeko eta segurtasun-baldintzak betetzeko, idatz iezaguzu hezkuntza (arroba) euskadi.isf.es. Anima zaitez eta elkarrekin jarraituko dugu aurrera!

Saioa: Software librearekin online formazioak diseinatzea. Ekarri ordenagailua eta ikasi Moodle erabiltzen!

Hizlaria: Gorka Julio

Data: Ekainak 11, ostirala

Ordua: 10 00-14:00 (GMT + 1)

Tokia: Bolunta, Erronda kalea z/g (5aren aurrean). 2.solairua

Hizkuntza: Gaztelania/ Euskara

Nazioarteko energia-justizia: Elektrizitateagatiko ordainketa, aztarna energetikoko metodologien arabera

Datuek Iparralde Globaleko herrialdeak energia-kontsumoa murrizten ari direla esan arren, interesgarria litzateke ikustea zer gertatzen ari den nazioarteko merkataritza globalean, eta ziurtatzea murrizketa hori ez dela gertatzen ari Hegoalde Globaleko lurraldeetan kontsumoa handitzearen kontura.

Horretarako, Maria San Salvadorrek, ISF-MGIko boluntarioak, kalkulatu du zein izango litzatekeen ordainketa elektriko nazionala, herrialdeek beren mugen barruan kontsumitzen dituzten ondasun eta zerbitzu guztiak ekoitziko balituzte. Adierazle honek ematen digun informazioa baliagarria izango litzaiguke herrialde batek bere mugen barruan kontsumitzen duen guztia ekoiztera behartuta balego argindarraren ordainketa zenbat handitu edo murriztuko litzatekeen ikusteko. Eta hortik, justizia energetikoa eraikitzeko moduaz edo subiranotasun elektrikoa lortzeko eman beharreko pausoez hitz egin ahal izatea. Ikerketaren emaitzak ezagutzera animatzen zara?

Saioa bideokonferentzia bidez egingo da jitsi plataformaren bitartez. Zure lekua erreserbatzeko (edukiera mugatua egongo da) eta saio honetaz nola gozatu jakin dezazun, idatz iezaguzu hezkuntza (arroba) euskadi.isf.es helbidera. Anima zaitez eta sareetatik ikusiko dugu elkar (modu seguruan)!

Saioa: Nazioarteko energia-justizia: Elektrizitateagatiko ordainketa, aztarna energetikoko metodologien arabera

Errazten du: María San Salvador

Data: Maiatzaren 27a, osteguna

Ordua: 18:00-20:00 (GMT + 2)

Tokia: Jitsi plataforma (helbide elektroniko bitartez informatuko zaitugu, aurretiazko izen-ematea)

Hizkuntza: Gaztelania

Gorputza lehen lurralde gisa. Lurraldea eta sexu- eta genero-aniztasuna defendatzeko borroken arteko intersekzionalitatea.

Joan den ostegunean esperientziak trukatzeko mahai-inguru bat antolatu genuen El Salvadorreko eta Euskal Herriko defendatzaileen artean. Mahai-inguru horretan Jose Fausto Gamez, Brisas del Campoko kidea (El Salvador), Aleja Menjívar, Farabundo Martí Fronteko Sexu eta Genero Aniztasunaren Idazkaritza Nazionala (El Salvador) eta Idily Mérida, Lumaltik elkarteko kidea (Guatemala-El Salvador) izan genituen gurekin.

Lurraldearen defentsaren aldeko borrokan sexu- eta genero-aniztasunaren ikuspegia txertatzeari buruzko hausnarketa- eta elkarrizketa-prozesuarekin jarraitzeko helburuaz, lau galdera egin genizkien hizlariei beren borroka-esperientziak eta posizionamendua ezagutzen laguntzeko. Hurrengo testuan, hiru gonbidatuekin izandako elkargunean sortutako ideia batzuk aurkeztuko dizkizuegu. 

Nola bizi dute LGTBIQ+ pertsonek beren lurraldeen defentsaren aldeko borroka?

LGTBIQ+ komunitatearen aurkako indarkeria egiturazkoa da, eta pertsona askok sexu-orientazioagatik edo genero-identitateagatik jasan dituzte erasoak eta mehatxuak. Borrokak minez eta sufrimenduz eramaten dira, baina feminismo komunitarioarekiko hurbilketak sendatzen eta modu kolektiboan eta alaitasunez bizitzen laguntzen du. Dolutik eta minetik eramaten diren prozesuak dira, baina baita indarretik eta ausardiatik ere.

Hasieran, batzuek ez zuten LGTBIQ+ borroka lurraldearen defentsarekin lotzen, lurraldearen defentsa estraktibismoaren aurkako borrokarekin soilik lotzen baitzuten. Baina gero ikusi zuten lurraldea ez dela lurra bakarrik, gorputza ere badela. Eta horretaz jabetzen garenean, gorputza ere borroka politikorako tresna dela ulertzen dugu.

Lurraldearen defentsarako eta LGTBIQ+ eskubideen defentsarako borrokak batu daitezke edo bietako bati eman beharko litzaioke lehentasuna?

Gorputza lehen lurralde gisa ulertzen badugu, esan daiteke bi borrokak batera doazela, ezin dela bata zein bestea lehenetsi, gorputza defendatzea lurraldea defendatzea delako. Ikuspegi intersekzionala da.

Horren adibiderik onena trans esperientzia duten pertsonak dira. Generoa gainditu eta bere gorputzari buruzko erabakiak hartu ahal izatean, abortatzeko eskubidetik egiten den bezala, lurraldea gorputz-lurralde ikuspegi batetik ikusten da, bi borrokak elkartzen diren lekutik. Horrela, bi borrokak lotuta eta artikulatuta daude.

Esan daiteke iparraldeko kolonialismo bat dagoela LGTBIQ+ eskubideen eta lurraldearen aldeko borroka honetan ere?

Egiturazko bazterketaren, bereizketaren… metaketa historiko bat dago, sistema kapitalistan indartzen dena. Gizon/emakume binarismoa ere kolonialismo horretatik dator, eta badirudi genero disidentzia ez dela existitzen. Horri guztiari aire klasistak gehitzen zaizkio, bazterketa-printzipioekin… zalantzarik gabe, menderakuntza-sistema baten parte da.

Sistema kapitalistak hainbat metodo ditu gure gorputzak kontrolatzeko. Ezarri diguten metaketa historiko horrek iparraldean gauza onak daudela sinestarazi nahi digu. Hegoaldean aurrerapen handia dago giza eskubideen arloan, eta batzuetan ikusezin bihurtzen saiatzen da sistemaren eraikuntza bera dela eta.

Nazioarteko lankidetzak ere izan du erantzukisunik, komunitateen funtzionatzeko moduak ulertu gabe eta kosmobisioak kontuan hartu gabe arauak ezartzen saiatu baita.

Egitura kolonizatzaileei eta botere-egiturei deserosotasuna eragiten die hegoaldean beren interesetarako ezarritako patroirik ez egoteak (lgtb, indigenak…).

Nazioarteko lankidetzaren gaiarekin jarraituz, ba al dago pertsona guztiak beren aniztasunean sartzen dituen lan-eredurik, inor kanpoan utzi gabe?

LGTBIQ+ biztanleriaren kasuan, askoz ere baldintzatzaile gehiago daude. Historikoki, hezkuntza-sistematik, justiziatik, osasun-sistemarako sarbidetik… kanpo geratu izan gara. Gure lurraldeetara lankidetza iristen denean eta proiektuak garatzen hasten direnean, oso gutxitan hartzen da parte edo kontratatzen dira LGTBIQ+ pertsonak proiektu horiek gara ditzaten. Eta kontratatzen direnean estandar oso altuak daude, neurketa-lerroa oso altua da.

Askotan, lankidetzak bere adierazleak osatzeko baino ez du entzuten, baina ez bizitzak aldatzeko. Lankidetzaren lanari bira eman behar zaio,  bere ingurunea eraldatzeko ahalegin errealak egin ditzan.

Ildo horretan, badira lan-eredu barneratzaileagoak. Adibidez, eredu bat da familia-prozesuekin lan egin beharrean, prozesu komunitarioekin lan egitea. Ezin da familiaren eraikuntza gauetik goizera suntsitu, familia ere komunitatearen parte baita, baina lan egiteko orduan garrantzitsua da komunitate mailan lanketa hori egitea.

Ur-ponpen tailerra. Egin itzazu modu erraz, eskuz eta autonomoan!

ISF/MGItik hamarkadak daramatzagu Giza Garapenerako Teknologiak bultzatzen, eskuragarriak, konpontzeko errazak eta kulturalki egokiak izan daitezen sustatzen, teknozientzia bizitzaren zerbitzura jarriz. Zuk Zeuk Egin-en hurrengo saioan beste urrats bat emango dugu eta tailer hau proposatzen dizuegu, eskuzko ur-ponpak diseinatzeko eta fabrikatzeko puxtarri eta PVCzko hodi batzuekin.

Teknologia horretarako ez da elektrizitate-iturririk behar, komunitateen autonomia indartzen du eta ura lortzeko behar den ahalegina murrizten da, populazioaren sektore zabaletara zabalduz. Saio honetarako, TADEH-Uraren Eskola Mugikorraren esperientzia izango dugu. Pixka bat gehiago ezagutu nahi baduzue, beren lana aurkezten duten bideo hau ikustera gonbidatzen zaituztegu.

Saio hau formatu presentzialean egitearen aldeko apustua egin dugu, TADEHko taldeak adierazten dizkigun pausoei jarraitzen diegula ziurtatzeko. Horregatik, zure plaza gordetzeko eta segurtasun-baldintzak zaintzeko, idatz iezaguzu hezkuntza (arroba) euskadi.isf.es helbide elektronikora. Anima zaitez eta elkarrekin aurrera egiten jarraituko dugu!

Saioa: Ur-ponpen tailerra. Egin itzazu modu erraz, eskuz eta autonomoan!

Errazten du: TADEH- Uraren eskola Mugikorra

Data: Maiatzaren 11n, asteartea

Ordua: 17:00-20:00

Tokia: Posta elektroniko bidez zehaztuko da

Hizkuntza: Gaztelania

GNU/Linux Install Party // Ekarri ordenagailua eta software librera pasatu!

Denbora daramazu software librean sartu nahian eta ez duzu pausoa ematen? Interneteko tutorialak ez dute zurekin funtzionatzen? Sistema pribatiboetatik aldentzea gustatuko litzaizuke, Ubuntu zure ordenagailuan nola instalatu ikasiz? Galdera horien erantzuna nahi izanez gero, Zuk Zeuk Egin Lab 2.0 hurrengo saiora joateko gonbita egiten dizugu.

Zure ordenagailua tailer praktiko honetara ekartzen baduzu, Ubuntu GNU/Linux sistema eragile librea nola instalatzen eta funtzionatzen duen ikasi ahal izango duzu. Horretarako, ez duzu aldez aurreko sistema eragilea desinstalizatu behar, trantsizioa urratsez urrats egin nahi baduzu ere. Saioak iraungo duen 3 orduetan, alderdi teknikoa ikasteaz gain, software librearen baloreez eta bizi duen egoeraren inguruan hitz egin ahal izango dugu. Saioan Dabid Martínez, hacktibista, software librean aditua eta Soberania Teknologikoaren aldeko ekintzailea izango dugu lagun.

Saio hau formatu presentzialean egitearen aldeko apustua egin dugu, denok Dabidek adierazitako urratsak jarraitzen ditugula ziurtatzeko. Horregatik, zure tokia ziurtatzeko eta segurtasun-baldintzak betetzeko, idatz iezaguzu hezkuntza (arroba) euskadi.isf.es korreora. Anima zaitez eta elkarrekin jarraituko dugu aurrera!

Saioa: GNU/Linux Install Party. Ekar ezazu zure ordenagailua eta pasa zaitez software librera

Laguntzailea: Dabid Martinez

Data: Apirilak 23, ostirala

Ordua: 17:00-20:00

Tokia: Abando Gizarte Etxea. Barrainkua kalea 5

Hizkuntza: Gaztelania

Lurraldearen defentsaren eta LGTBIQ+ errealitatearen arteko intersekzionalitateak ikusaraztea

ISF-MGI taldetik, LGBTIQ+ pertsonek borroka sozial eta lankidetzan (baita “ez-arautzailetzat” jotzen dena ere) izan duten ikusezintasunari aurre egiteko bideak ireki nahian, prozesu bat hasten ari gara.

Menderatze-hirukote batek zeharkatzen duen sistema batean bizi gara, hiru buruko eredu batean (neoliberala, etnozentrikoa eta heteronormatiboa), eta bere konplexutasun osoari begiratu behar diogu aurre egin ahal izateko. Zalantzarik gabe, aurrerapausoak eman dira Sexu eta Genero Aniztasunaren (DSG) ikuspegia arauz kanpoko lankidetzan txertatzeko, baina oraindik ere sumatzen diren erresistentziek gaia sakon lantzeko prozesuak bultzatzen jarraitzera bultzatu gaituzte.

Era berean, Hegoaldeko agenteekiko elkarrizketan, LGTBIQ+ komunitateko giza eskubideen defendatzaileak egoera ahulagoan daude jasaten duten diskriminazioagatik eta defendatzaile gisa egiten duten lanagatik. Ondorioz, Latinoamerikako defendatzaileei etengabeko mehatxuak egiten zaizkie, eta kasu batzuetan erailketa ere ematen da. Zentzu horretan, El Salvador, gorroto-krimenen, gorrotoaren apologiaren eta diskriminazioaren maila altuenetako bat du, baita LGTBIQ+ ekintzaileen aurkako hilketak eta jazarpenetan ere.

El Salvador-eko egoerarekin jarraituz, Amnistia Internazionalak argitaratutako datuen arabera, ohikoak dira LGTBIQ+ pertsonen aurkako abusuak, larderia eta indarkeria, haien sexu-orientazioagatik edo genero-identitateagatik; bereziki, emakume transen aurka, askotan oztopo handiak izaten baitituzte justiziara iristeko, diskriminazioa jasaten dutelako, eta, gainera, indarkeria eta estortsioa jasaten dutelako. Babesik eta justiziarik aurkitu ezin dutenez, LGBTIQ+ komunitateko batzuek herrialdetik ihes egiten dute indarkeria hau atzean uzteko modu bakarra delako.

Nola bizi dute LGTBIQ+ kideek beren lurraldeak defendatzeko borroka? Bi borrokak batu daitezke?

Gai horiei buruz hausnartzeko eta eztabaidatzen jarraitzeko, lurraldearen defentsaren eta LGTBIQ+ errealitatearen arteko intersekzionalitateak ikusarazteko prozesu bat ireki dugu. Horretarako, esperientziak trukatzeko bi jardunaldi antolatu ditugu, gaiari ikuspegi desberdinetatik heltzeko. Lehenengoa martxoaren 23an izan zen; Fernando Altamiraren eskutik, Sexu eta Genero Aniztasuna arauz kanpoko lankidetza eta hezkuntza eraldatzailean sartzeaz hitz egin genuen.

Eta apirilaren 29ko ostegunerako, zinema-foro bat prestatu dugu Erdialdeko Amerikako kideekin. Sexu aniztasunaren eta lurralde defendatzaileei buruzko bi film labur ikusi ondoren, Brisas del Campo (El Salvador) erakundeko José Fausto Gámez Moralesekin, Aleja Menjívar, LGBTI aktibista eta Farabundo Martí Fronteko (El Salvador) Sexu eta Genero Aniztasunaren Askapen Nazionalerako Idazkari Nazionala, eta idily Mérida, Lumantik (Euskal Herria) hezkuntza-teknikariarekin hitz egingo dugu.

Patriarkatua eta heteronorma, eraikuntza zientifikoaren baldintzatzaile gisa

Zientzia aniztasuna zientzia hobea da izenburuarekin, pasaden martxoak 11an Lydia Gil-ek, dibulgatzaile zientifiko eta dokumentalistak, saio bat dinamizatu zuen; eta, bertan, gogoeta eginarazi zigun, zientzia arloan pertsonei buruz proiektatzen zaigun irudia berrikusteak duen garrantzian.

Zientzialari izatea oso lanbide baloratua da. Izan ere, Espainiako estatuan, lanbide horren balorazioa mediku izatearen atzetik baino ez dago. Baina, zer irudi datorkigu burura pertsona zientifiko bat irudikatzen dugunean? Galdera hori ehun bat umeri egin zieten, eta marrazteko eskatu zieten. Emaitza gizon bat izan zen, adinekoa, zuria, heterosexuala eta “friki” itxura zuena.

Hori da zientzialarien gizarteak dituen erreferenteen isla. Lydiak esan zigun, adibidez, testu-liburuetan %7,5 baino ez direla emakumeak; wikipedian 10 biografiatik 2 baino ez direla emakumeenak; edo 5 iritzi-zutabetik 1 baino ez duela emakume batek sinatzen. Zifra horiek are txikiagoak dira esparru zientifikoan.

Non daude zientzian askotariko sexualitateak eta identitateak dituzten pertsonak? Nola baldintzatzen ditu beren genero-identitatea eta sexualitatea lan zientifikoan? Zientzialariak askotarikoak dira: emakumeak, gazteak, pertsona arrazializatuak, LGTBI kolektibokoak, etab. Baina ikusezin bihurtzen dira, edo ezaugarri horietako batengatik nabarmentzen dira, beren lan zientifikoagatik nabarmendu beharrean. Ez da harritzekoa “emakume batek lehen aldiz irabazi du matematikako Nobel saria” edo “matematikaren sari noblea irabazi zuen errefuxiatua” bezalako izenburuak irakurtzea.

Garrantzitsua eta beharrezkoa da ikusaraztea zientzia anitza dela; hau da, pertsona zientifikoak askotarikoak direla; izan ere, Lydiak esan zuen bezala, neskak ezin dira ikusten ez dutena bihurtu. Ezinbestekoa da hainbat erreferente sortzea, eta zeregin horretan energia jarri behar dugu. Genero-estereotipo inplizituak eta heteronormaren inertzia haustea oraindik oztopo asko dauden bi bide dira.

Energia berriztagarriak

Egileak: Itxaso Santxez Enzinas, Marta Camacho Iglesias eta Olaia Elizalde GAraikoetxea

Sarrera

Bukaerako lana egiteko, argazki desberdinen deskribapena egingo dugu, gure arlora bideratuz, Energia Berriztagarriak. Modu honetan, saio batean landutako metodoa aplikatuko dugu, Energia Berriztagarrien alde positiboak eta negatiboak plazaratuz. Argazkien bidez, bisualago ikusten dela uste dugu, horregatik argazki multzoen deskribapena egin dugu. Energia Berriztagarrien bi aldeak konparatu nahi izan ditugu, abantailak eta desabantailak adieraziz. Ingurumen inplaktuan sakonduko dugu, Energia Berriztagarriek behar duten dimentsio zabalak kontuan hartuz, horiek erabiltzean sortutako hondakinen kudeaketa ere aipatuko dugu, askotan ez baikara horretaz konsziente izaten Energia Berriztagarriak aipatzen ditugunean.

Ekonomia ekologikoaren saioan ikasitakoa aplikatuko dugu, planetaren mugak, ekosisteman gertatzen ari dena, merkantilizatutako funtzio ekologikoak (kapitalismoa), efizientziaren mugak, kapitalismoaren hazkundea…

Alderdi soziala ere aipatuko dugu, gatazka handiak sortzen baitira honen inguruan. Azken batean, gure ikaskuntzekin lotutako gaian sakontzea lortuko dugu, eta beste ikuspuntu batetik begiratuz.

Argazkien deskribapena

La imagen tiene un atributo ALT vacío; su nombre de archivo es image.png

Gaur egungo egoera klimatiko eta ekologikoa dela eta, argi daukagu erregai fosilak alde batera utzi behar ditugula, baina nola? Energia berriztagarriak, energia eolikoa edo fotoboltaikoak adibidez, arazoaren irtenbidea dakarte alde batetik. Izan ere, sekula agortzen ez diren energia iturriak erabiltzeaz gain, energiaren produkzioan ez dituzte ingurunera gas kutsagarririk edo gaur egun hainbesteko garraztia duten negutegi efektuko gasik isurtzen.

Gainera, beste herrialdeekiko menpekotasuna murriztu eta autokonsumora bideratu ahal gaituzte. Hala ere, kontu handiz hitz egin behar dugu isurketez edota energia berdeaz. Energia berriztagarriez hitz egiterako garaian, haien bizitza erabilgarria soilik erreparatzen da, kontuan hartu gabe haiek prozesatzeko edota haien bizitza amaitzean haiekin gertatzen dena. Hurrengo irudietan energia berriztagarri hauen ingurumen kostua ikusten da, itzalpean gelditzen dena.

La imagen tiene un atributo ALT vacío; su nombre de archivo es image-1.png

Irudi hauetan aerosorgailuen palen zabortegi bat ikus daiteke. Espainian, 2019an, 1.203 parke eoliko zeuden eta 21.000 aerosorgailu inguru. Haize-sorgailuek 20 eta 25 urte arteko batez besteko bizitza dutela kontuan izanik, arazoa bizitza erabilgarriaren ondoren pala huekin zer egin dago.

Pala hauek orokorrean, egurrez edo poliesterrez edo beira-zuntzez sendotutako epoxiz eginak daude. Material horiek, CSICeko adituaren esanetan, errekuntza-arriskua dakarte, “Gai toxikoak askatzeko eta osasunean eta ingurumenean eragina izateko. Palak baso baten ondoan uzten badira eta ustekabeko edo eragindako baso-sute bat badago, erre egingo ditu “.

Hala eta guztiz ere, haize erroten palak birziklatzeko proiektuak garatzen ari dira, R3fiber bezalakoak adibidez, zeintzuk prozesu termokimikoen bidezko transformazioan oinarritzen diren.

La imagen tiene un atributo ALT vacío; su nombre de archivo es image-2.png

Beste irudi honek, panel fotoboltaikoak egiteko gailentzen den materialaren, silizio kristalinoaren, meatzeak dakartzen ingurumen inpaktua azpimarratzen du.

Energia fotoboltaikoa teknologia berriztagarria dela kontuan izanik, negutegi efektuko gasen isuriaz, uren kutsaduraz, zaratez eta beste hainbat faktoreez ahaztu gaitezke, baita biodibertsitatearen inpaktuaz, kontsumotik gertu instalatzen baitira. Hala ere, kontuan izan behar dugu, elementu hauek asko kutsatu dezaketela ez badira behar bezala tratatzen haien bizitza erabigarria amaitu ondoren. Izan ere, energia fotoboltaikoaren teknologian gailentzen den materiala silizio kristalinoa da. Panel fotoboltaiko baten bizitza erabilgarria 25-30 urte bitartekoa da eta hauek eraikitzeko behar den energia 21 hilabete eta bi urteren artean berreskuratzen da. Hauen bizitza erabilgarria amaitzean, beste energia berriztagarrien aldean, fotoboltaikoa da zikloa itxi eta material gehien berreskuratu daitekeen energia eskuratzeko teknologia. Metodo termiko edota mekanikoekin, silizio kantitatearen arabera, materialak errekuperatu eta produkzio zikloan jartzen dira berriro.

Dena dela enpresa fabrikatzaileak behartuta daude bezeroei beren moduluak nola baztertu jakinaraztera, etiketa egokiak erabiltzera eta tratamendu-zentralei beren produktuen osaeraren eta arriskutsuak izan daitezkeen materialen erabileraren berri ematera.

Plaka fotoboltaiko batean, materialen % 85-90 bitartean birziklatu daiteke, batez ere beira, eta aluminioa. Beste osagai batzuk silizioa (% 3), kobrea (% 1), zilarra (% 0,16) eta gainerako % 16a osatzen duten polimero batzuk dira.

La imagen tiene un atributo ALT vacío; su nombre de archivo es image-3-1030x773.png
Auzo-konposta Debagoienan
La imagen tiene un atributo ALT vacío; su nombre de archivo es image-4.png
Biomasa ekoizteko erabiltzen den abeltzaintza-ustiapena

Azkeneko bi argazki hauetan biomasaren bi aldeak ikusi daitezke. Lehenengoa Debagoienan aurrera eramaten ari den auzo konposta baten argazkia dugu, auzo horretako herritarak sortzen dituzten hondakin konpostagarriak ongarri bihurtu eta baratzetarako erabiltzen dute proiektu honi esker. Bigarrenean, abeltzaintza-ustiapen bat daukagu, behiek sortutako hondakinak biomasa-planta batera eramaten dituzte han energia sortzeko.

Lehenengo proiektua autogestiora eta haurren kontzientzia sustatzera eramaten gaituen proiektua dela esan daiteke. Honen bitartez auzokideek sortutako hondakinak auzoan dauden baratzetarako ongarri moduan erabiliak izango dira, hondakin hauei bigarren bizitza bat emanez. Honen ondorioz gainera, erraustegietara heltzen den hondakin kopurua murriztu egingo da, konpostagarria den guztia berrerabilia izango delako. Beraz, auzotik sortua eta auzoarentzat den autogestio proiektu ekologiko baten aurrean aurkitzen gara.

Bigarren argazkian ikusten den abeltzaintza-ustiapenean aldiz, biomasa problema baten soluzio moduan saltzen digute. Biomasarekin abeltzaintzan sortutako gehiegizko hondakina energia bihurtzen dute, baina non dago benetako problema, gehiegizko hondakin horiekin zer egitean ala gehiegizko hondakinak sortzearen zergatian? Kontua da, biomasa partxe bat moduan erabilia izaten ari dela honelako proiektuetan, egungo sistema kapitalistagatik sortutako abeltzaintza-ustiapenen partxe baten moduan, honen ondorioz hobeto ikusiak izango direlako. Gure mundua ez da hainbesteko abeltzaintza produkzioa jasateko gai, gizakiok honetan eskua sartu eta gure mesedeetara jarri dugulako, baina ohitura hauek aldatzeko garaia heldu da, kontziente garelako nahiz eta honen bidez energia garbia produzitu, gure muduari kalte bakarrik egiten ez diola.

Ondorioa

Energia Berriztagarriak ez dira petrolioak ematen digun energia berbera ematera ailegatuko. Hala ere, hauetan oinarritzea besterik ez zaigu gelditzen, bukatzen ari baitira erregai fosilak eta jada planetaren mugak gainditu baititugu. Hauek duten garrantziaren gainean, itzalpean gelditzen diren hainbat aspektu jorratu nahi izan ditugu, testuan ongi azaldutako adibideak aipatuz.

Aurretik aipatu dugun moduan kritika moduko bat egin nahi izan dugu gaur egungo kontsumismo masiboari. Merkantilizatutako funtzio ekologikoak behar baino gehiago produzitzera eramaten gaitu, eta horrek hondakinen hazkundea dakar. Horri aurre egin beharren gaude, planetaren mugak zeharkatzen ari baikara, ez dago zalantzik, horretarako arazoa errotik konpontzea iruditzen zaigu irtenbide bakarra.

Txosten honetan ingurumen inpaktua aipatu dugu, hala ere, Energia Berriztagarrien eraikuntzak dakartzan inpaktu sozialak ere ez ditugu alde batera utzi nahi izan. Ohikoa da, parke eoliko, fotoboltaiko edota hidraulikoen eraikuntzak askotan dakarren desadostasun soziala. Parke eoliko eta fotoboltaikoen kasuan Hego Amerikan adibidez, jendeak haien lurrak eta bizilekua alde batera utzi behar izan du zelai hauek eraikitzeko. Presa hidraulikoen kasuan, herriak ondoratuta geratu izan dira. Horrekin denekin,inpaktu sozialak duen eraginaren konsziente izan nahi dugu, askotan horrelako proiektu handietan bertako herritaren iritziak alde batera geratu ohi baitira. Makroproiektu hauek eragina familia askoren iritziaren gainetik gelditzen baita.

Ikusezintasuna (pribilegiotik) erakutsi

Duela aste batzuk, ikuspegi intersekzionalari buruzko ikaskuntzan beste urrats bat emateko aukera izan genuen. Uxue Zugaza EHUko politologia eta ikertzeilea da eta, bere eskutik, gizartearen azterketan eta esku-hartzean intersekzionalitateak duen potentzialaz hausnartu genuen. Saioaren hasiertaik, Uxuek intersekzionalitatearen ideia nola ulertu adierazi zigun, “ “gurutzatzeko” hurbilketa bat, gure ezagutza- / aktibismo- / interbentzio-praktikak bideratzen dituzten botere harremanen argitan”; eta hurrengo ideia azpimarratu zuen: “ez ikustea bereganatutatko gaitasuna da, eta intersekzionalitateak ezagutza kritiko eta gogoetatsuan entrenatzeko tresnak ematen digu”.

Zenbait praktika despolitizaturen aurrean, intersekzionalitateak “gurutzatzeagatik gurutzatzea” sahiestu nahi du. Ikuspegi intersekzionala ez da desberdintasunen baturak deskribatzera mugatzen, baizik eta bidegurutzeari hitz eginarazi nahi dio: lehenengo batean ikusgarria ez den hori ikustea galarazten diguten botere-harremanak zalantzan jartzea. Intersekzionalitatea ezin da jarduera aktibistetatik bereizi: intersekzionalitate abstraktuaren ideiaren aurrean, esku-hartzea da apustua, behar zehatzei erantzutea, arazo oso konkretuetan eragitea, zeinetan errealitatea “genero” kategoriak gainditzen duen.

Ikuspegi iIntersekzionalak egindako ekarpenen artean, Lucas Platerok errealitate ikusezin eta ulertezin batzuen ikusezintasuna (pribilegiotik) erakusteko erabilgarria dela adierazten du. Zergatik pribilegiotik? Bidegurutzeen atzean zer dagoen eta gure pribilegioei buruz gogoeta egiten laguntzen digun ikuspegia da. Hasiera batean ikusten ez duguna ez da ezusteko egoera: menderatze-matrizean ezjakintasunean edo arazo jakin batzuen aurrean ulertezintasunean hezten gaitu. Ez dugu ikusten traba egiten digulako, ez dugulako ikusi nahi, ez ikusten irakatsi digutelako… Bidegurutze horrek zuzenean hitz egiten dielako gure pribilegioei. Intersekzionalitateak elkarrizketa horretara gonbidatzen gaitu.

Arma autonomoak debekatzeko bidean: posible al da gerrarik gabeko mundu bat? Jardunaldi antimilitaristak

JARDUNALDI ANITIMILITARISTAK

Zientziak eta teknologiak gero eta arinago egiten dute aurrera, eta gizakien eguneroko erronkei aurre egiteko irtenbideak eskaitzen laguntzeko ahalmen handia dute. Hala ere, eztabaida sortu da aurrerapen teknologiko horren erabilera onargarria eta onartezinaren arteko lerroa marrazterako orduan. Onargarria al da ikerketa zientifikoa eta teknologikoa arma eraginkorrak sortzeko erabiltzea? Hau da, gehiago eta hobeto hiltzeko?

Azken ehun urteetan, armamentu berrien lehiaketa aurreikusi da munduan, ikerketa militarrean inbertitutako baliabideei esker, eta ikerketa horren zati handi bat unibertsitateetan garatzen da. Unibertsitate askok diru kopuru handiak jasotzen dituzte defentsa-sailetik edo arma ekoizeelatik ikertu dezaten. Defentsa sailek ere ireki ditzakete kanpusetan unibertsitateetara lotutako ikerketa zentroak.

Zentzu horretan, funtsezkoa da unibertsitateak garatzen duten teknologia etorkizunean erabil daitekeela ohartzea. Informatikaren, adimen artifizialaren edo robotikaren arloko ikerketak, adibidez, funtsezko erabgina dute gerraren izaera azkar aldatzen ari den defentsa industriako garapenean.

Egoera honen aurrean sentsibilizazio eta eragin-txostenak eta kanpainak egiten

zenbait urte daramatzaten erakunde eta entitateak daude. Kezkak eta aurrerapenak partekatzeko asmoz, Gernika Gogoratuz, Gernikatik Mundura, Ideasu, Stop Killer Robot eta Mugarik Gabeko Ingeniaritzak Jaurdunaldi Antimilaristak antolatu ditugu azaroaren 18 eta 19an, “Arma autonomoak debekatzeko bidean: posible al da gerrarik gabeko mundua?” gaia aurkezteko. “Stop Killer Robot” kanpainarekin (Robot hiltzaileak debekatzeko kanpaina).

Saioa: Jaurdunaldi Antimilitaristak

Data: Azaroaren 18 eta 19an

ordua: 18:00-20:00 (GMT + 2)

Tokia: EHUko BBC Collaborate plataforma

Hizkuntza: Gaztelania

Izen ematea:

https://docs.google.com/forms/d/e/1FAIpQLSd04H1KC9wTRDvtW2T89RmjkX4KspT_V0z81_Dhjrta82hUew/viewform