Ikerketa feministako metodologien alde egitea erronka handia da, eta ez da konpontzen metodologia horien aldeko jarrera hartzeagatik. Eguneroko lana eskatzen du, inertzia pertsonalak eta kolektiboak etengabe berrikustea, eta ekintza horietarako ez da beti erreferenterik izaten oinarri gisa. ISF-MGIk tresnak gizarteratzen lagundu nahi du, eta, horretarako, gure azken Lan Koadernoa partekatzen dizuegu. Bertan, itzulketak ikerketetan duen garrantziaz hausnartzen dugu.
Izenburu honekin: “Itzulketaren ideiara eta praktikara hurbilduz. GRAL/MAL etan eztabaidarako eta ezagutza taldeka eraikitzeko aukera bat.” Funtsezko aurkikuntzak aurkituko dituzue ISF-MGItik egin dugun ikerketa kolektiboaren ondoren, hainbat topaketaren bidez eragile akademiko eta sozialen kontrasteari esker aberastu den prozesu batean.
Ikerketa batean itzulketa-prozesuen alde egiteak erne mantentzen gaitu estraktibismo akademikoan ez erortzeko, eta ikerketaren norabidea, helburuak eta hipotesiak aldatzeko prest egotera behartzen gaitu, ikerketaren bilakaeraren eta taldearen itxaropen eta beharren arabera. Gainera, itzulketa ezagutza kolektiboa eraikitzeko beharrezko alderdi gisa gauzatzeak inplikatutako pertsona eta kolektibo guztiek prozesuan dituzten botere-posizioak berrikustera ere bultzatzen gaitu.
Gaiari buruz irakurtzen jarraitu nahi duzu? Hemen duzu gida osoa: