Internet Feminista eraikitzeko gakoak

Aktibista Eskolaren kurtsoa ixteko saio berezia ekartzen dizuegu. Pasa den 2019an, jatorri desberdinetako emakume talde bat Chiapas, Méxikon bildu zen. Bertan, imajinatu zuten ze printzipio jarraitu beharko lukeen internet feminista batek, lurraldearen zein gorputzen zaintzarako. Amets egiteko, proposamenak botatzeko eta ideiak diseinatzeko egunak bihurtu ziren, elkar-erantzukizun politikoak sortzeko apustuarekin, forma guztietako bizitzen zein lurraldeen loturak kontutan hartuz.

Hurrengo saioan, bileran egon zen partaide baten ahotsetik kontatuko digu nola finkatu zuten Internet Feminista baten oinarriak, ingurunearekin justua izateko. Berriz, la_jes Sursiendo-ko kide hackfeministarekin kontatzen dugu. Berak, saio virtual batetik gidatuko gaitu, non emozioak, kolektibitatea, sentsu artistikoak zein politikoak, bidaiaren erdian jarriko ditu. Gogoan izan, koaderno eta koloretako arkatzak edukitzea!

Ondorengo saioa, telematikoki egingo da, jitsi plataformaren bitartez. Zure plaza eskuratzeko (kontuan izan edukiera mugatuta dagoela) eta saioa jarraitzeko informazioa jasotzeko, hezkuntza (arroba) euskadi.isf.es helbidera idatzi. Animatu zaitez!

Saioa: Internet Feminista eraikitzeko gakoak

Hizlaria: la_jes

Data: Asteazkena, Ekainak 30

Ordua: 18:00-20:00 (GMT + 2)

Non: Jitsi plataforman (izena eman ondoren posta elektronikoaren bitartez bidaliko dizugu esteka)Hizkuntza: Gaztelania

Software librearekin online formazioak diseinatzea. Ekarri ordenagailua eta ikasi Moodle erabiltzen!

Pentsatu duzu zure prestakuntza online abiaraztea? Zure kolektiboak edo erakundeak ahalik eta etekin handiena atera nahi die horretarako dauden plataformei? Online formazioak geratzeko iritsi direla dirudiela, Zuk Zeuk Egin-ek Moodle plataforman ditugun aukera guztien inguruan trebatzeko gune bat eskaini nahi dizu.

Moodle lineako ikaskuntza-komunitateak sortzeko software-tresna bat da. Prestakuntza honen bidez, ezagutza tekniko handirik izan gabe ahalik eta etekinik handiena ateratzeko zer tresna dauden ikasi ahal izango duzu. Moodlerekin batera, H5Pk jarduera interaktiboak egiteko eskaintzen dituen aukera batzuk ezagutuko ditugu (bideoak, egutegiak, galdera-sorta tartekatuak…).

Gorka Julio, komunikazioan eta teknologia sozial eta libreetan aditua, Talaios kooperatibako kidea, teknologia libreetan oinarritutako ekonomia sozial eraldatzailea bultzatzen ari da.

Saio hau formatu presentzialean egitearen aldeko apustua egin dugu, denok Gorkak adierazitako urratsak jarraitzen ditugula ziurtatzeko. Horregatik, zure lekua ziurtatzeko eta segurtasun-baldintzak betetzeko, idatz iezaguzu hezkuntza (arroba) euskadi.isf.es. Anima zaitez eta elkarrekin jarraituko dugu aurrera!

Saioa: Software librearekin online formazioak diseinatzea. Ekarri ordenagailua eta ikasi Moodle erabiltzen!

Hizlaria: Gorka Julio

Data: Ekainak 11, ostirala

Ordua: 10 00-14:00 (GMT + 1)

Tokia: Bolunta, Erronda kalea z/g (5aren aurrean). 2.solairua

Hizkuntza: Gaztelania/ Euskara

Nazioarteko energia-justizia: Elektrizitateagatiko ordainketa, aztarna energetikoko metodologien arabera

Datuek Iparralde Globaleko herrialdeak energia-kontsumoa murrizten ari direla esan arren, interesgarria litzateke ikustea zer gertatzen ari den nazioarteko merkataritza globalean, eta ziurtatzea murrizketa hori ez dela gertatzen ari Hegoalde Globaleko lurraldeetan kontsumoa handitzearen kontura.

Horretarako, Maria San Salvadorrek, ISF-MGIko boluntarioak, kalkulatu du zein izango litzatekeen ordainketa elektriko nazionala, herrialdeek beren mugen barruan kontsumitzen dituzten ondasun eta zerbitzu guztiak ekoitziko balituzte. Adierazle honek ematen digun informazioa baliagarria izango litzaiguke herrialde batek bere mugen barruan kontsumitzen duen guztia ekoiztera behartuta balego argindarraren ordainketa zenbat handitu edo murriztuko litzatekeen ikusteko. Eta hortik, justizia energetikoa eraikitzeko moduaz edo subiranotasun elektrikoa lortzeko eman beharreko pausoez hitz egin ahal izatea. Ikerketaren emaitzak ezagutzera animatzen zara?

Saioa bideokonferentzia bidez egingo da jitsi plataformaren bitartez. Zure lekua erreserbatzeko (edukiera mugatua egongo da) eta saio honetaz nola gozatu jakin dezazun, idatz iezaguzu hezkuntza (arroba) euskadi.isf.es helbidera. Anima zaitez eta sareetatik ikusiko dugu elkar (modu seguruan)!

Saioa: Nazioarteko energia-justizia: Elektrizitateagatiko ordainketa, aztarna energetikoko metodologien arabera

Errazten du: María San Salvador

Data: Maiatzaren 27a, osteguna

Ordua: 18:00-20:00 (GMT + 2)

Tokia: Jitsi plataforma (helbide elektroniko bitartez informatuko zaitugu, aurretiazko izen-ematea)

Hizkuntza: Gaztelania

Ur-ponpen tailerra. Egin itzazu modu erraz, eskuz eta autonomoan!

ISF/MGItik hamarkadak daramatzagu Giza Garapenerako Teknologiak bultzatzen, eskuragarriak, konpontzeko errazak eta kulturalki egokiak izan daitezen sustatzen, teknozientzia bizitzaren zerbitzura jarriz. Zuk Zeuk Egin-en hurrengo saioan beste urrats bat emango dugu eta tailer hau proposatzen dizuegu, eskuzko ur-ponpak diseinatzeko eta fabrikatzeko puxtarri eta PVCzko hodi batzuekin.

Teknologia horretarako ez da elektrizitate-iturririk behar, komunitateen autonomia indartzen du eta ura lortzeko behar den ahalegina murrizten da, populazioaren sektore zabaletara zabalduz. Saio honetarako, TADEH-Uraren Eskola Mugikorraren esperientzia izango dugu. Pixka bat gehiago ezagutu nahi baduzue, beren lana aurkezten duten bideo hau ikustera gonbidatzen zaituztegu.

Saio hau formatu presentzialean egitearen aldeko apustua egin dugu, TADEHko taldeak adierazten dizkigun pausoei jarraitzen diegula ziurtatzeko. Horregatik, zure plaza gordetzeko eta segurtasun-baldintzak zaintzeko, idatz iezaguzu hezkuntza (arroba) euskadi.isf.es helbide elektronikora. Anima zaitez eta elkarrekin aurrera egiten jarraituko dugu!

Saioa: Ur-ponpen tailerra. Egin itzazu modu erraz, eskuz eta autonomoan!

Errazten du: TADEH- Uraren eskola Mugikorra

Data: Maiatzaren 11n, asteartea

Ordua: 17:00-20:00

Tokia: Posta elektroniko bidez zehaztuko da

Hizkuntza: Gaztelania

GNU/Linux Install Party // Ekarri ordenagailua eta software librera pasatu!

Denbora daramazu software librean sartu nahian eta ez duzu pausoa ematen? Interneteko tutorialak ez dute zurekin funtzionatzen? Sistema pribatiboetatik aldentzea gustatuko litzaizuke, Ubuntu zure ordenagailuan nola instalatu ikasiz? Galdera horien erantzuna nahi izanez gero, Zuk Zeuk Egin Lab 2.0 hurrengo saiora joateko gonbita egiten dizugu.

Zure ordenagailua tailer praktiko honetara ekartzen baduzu, Ubuntu GNU/Linux sistema eragile librea nola instalatzen eta funtzionatzen duen ikasi ahal izango duzu. Horretarako, ez duzu aldez aurreko sistema eragilea desinstalizatu behar, trantsizioa urratsez urrats egin nahi baduzu ere. Saioak iraungo duen 3 orduetan, alderdi teknikoa ikasteaz gain, software librearen baloreez eta bizi duen egoeraren inguruan hitz egin ahal izango dugu. Saioan Dabid Martínez, hacktibista, software librean aditua eta Soberania Teknologikoaren aldeko ekintzailea izango dugu lagun.

Saio hau formatu presentzialean egitearen aldeko apustua egin dugu, denok Dabidek adierazitako urratsak jarraitzen ditugula ziurtatzeko. Horregatik, zure tokia ziurtatzeko eta segurtasun-baldintzak betetzeko, idatz iezaguzu hezkuntza (arroba) euskadi.isf.es korreora. Anima zaitez eta elkarrekin jarraituko dugu aurrera!

Saioa: GNU/Linux Install Party. Ekar ezazu zure ordenagailua eta pasa zaitez software librera

Laguntzailea: Dabid Martinez

Data: Apirilak 23, ostirala

Ordua: 17:00-20:00

Tokia: Abando Gizarte Etxea. Barrainkua kalea 5

Hizkuntza: Gaztelania

Lurraldearen defentsaren eta LGTBIQ+ errealitatearen arteko intersekzionalitateak ikusaraztea

ISF-MGI taldetik, LGBTIQ+ pertsonek borroka sozial eta lankidetzan (baita “ez-arautzailetzat” jotzen dena ere) izan duten ikusezintasunari aurre egiteko bideak ireki nahian, prozesu bat hasten ari gara.

Menderatze-hirukote batek zeharkatzen duen sistema batean bizi gara, hiru buruko eredu batean (neoliberala, etnozentrikoa eta heteronormatiboa), eta bere konplexutasun osoari begiratu behar diogu aurre egin ahal izateko. Zalantzarik gabe, aurrerapausoak eman dira Sexu eta Genero Aniztasunaren (DSG) ikuspegia arauz kanpoko lankidetzan txertatzeko, baina oraindik ere sumatzen diren erresistentziek gaia sakon lantzeko prozesuak bultzatzen jarraitzera bultzatu gaituzte.

Era berean, Hegoaldeko agenteekiko elkarrizketan, LGTBIQ+ komunitateko giza eskubideen defendatzaileak egoera ahulagoan daude jasaten duten diskriminazioagatik eta defendatzaile gisa egiten duten lanagatik. Ondorioz, Latinoamerikako defendatzaileei etengabeko mehatxuak egiten zaizkie, eta kasu batzuetan erailketa ere ematen da. Zentzu horretan, El Salvador, gorroto-krimenen, gorrotoaren apologiaren eta diskriminazioaren maila altuenetako bat du, baita LGTBIQ+ ekintzaileen aurkako hilketak eta jazarpenetan ere.

El Salvador-eko egoerarekin jarraituz, Amnistia Internazionalak argitaratutako datuen arabera, ohikoak dira LGTBIQ+ pertsonen aurkako abusuak, larderia eta indarkeria, haien sexu-orientazioagatik edo genero-identitateagatik; bereziki, emakume transen aurka, askotan oztopo handiak izaten baitituzte justiziara iristeko, diskriminazioa jasaten dutelako, eta, gainera, indarkeria eta estortsioa jasaten dutelako. Babesik eta justiziarik aurkitu ezin dutenez, LGBTIQ+ komunitateko batzuek herrialdetik ihes egiten dute indarkeria hau atzean uzteko modu bakarra delako.

Nola bizi dute LGTBIQ+ kideek beren lurraldeak defendatzeko borroka? Bi borrokak batu daitezke?

Gai horiei buruz hausnartzeko eta eztabaidatzen jarraitzeko, lurraldearen defentsaren eta LGTBIQ+ errealitatearen arteko intersekzionalitateak ikusarazteko prozesu bat ireki dugu. Horretarako, esperientziak trukatzeko bi jardunaldi antolatu ditugu, gaiari ikuspegi desberdinetatik heltzeko. Lehenengoa martxoaren 23an izan zen; Fernando Altamiraren eskutik, Sexu eta Genero Aniztasuna arauz kanpoko lankidetza eta hezkuntza eraldatzailean sartzeaz hitz egin genuen.

Eta apirilaren 29ko ostegunerako, zinema-foro bat prestatu dugu Erdialdeko Amerikako kideekin. Sexu aniztasunaren eta lurralde defendatzaileei buruzko bi film labur ikusi ondoren, Brisas del Campo (El Salvador) erakundeko José Fausto Gámez Moralesekin, Aleja Menjívar, LGBTI aktibista eta Farabundo Martí Fronteko (El Salvador) Sexu eta Genero Aniztasunaren Askapen Nazionalerako Idazkari Nazionala, eta idily Mérida, Lumantik (Euskal Herria) hezkuntza-teknikariarekin hitz egingo dugu.

Makinen genero bereizketaren nondik norakoak

Pasa den martxoaren 18an Olatz Arbelaitz eta Elena Lazkano EHUko Informatika Fakultateko kideekin izandako solasaldian argi geratu zitzaigun makinei ezartzen zaizkien funtzio, itxura edota ezaugarrietan ere hauek programatzen dituen gizartearen arrazarekiko, generoarekiko edota klase sozialekiko bereizketaren erreprodukzioa gauzatzen dela.

Honen adierazgarrietako bat adimen artifizialeko eta informatikako lanetan diharduten giza taldeetan dauden arrakalak, emakumezkoen parte hartze txikiena duten zientzia eta teknologia arloak direlako. Adibide moduan, esparru hauetan urteetan EHUko gradu eta graduondokoetan emakumezkoen eta gizonezkoen matrikula zenbakien ezberdintasunak ezagutu genituen.

Honen ondorioz, adimen artifizialak abiapuntutzat dituzten datu-base eta hauek trebatzeko metodologietan bereizketak arbuiatzeko joerak aztertu eta aldatzeko beharra adierazi zuten ikerlariek. Lan nekeza den arren, beharrezkotzat jotzen da artifizio hauek iraultzailetzat dituen gizartean nolabaiteko eraldaketa sortzeko.

Solasaldian zehar ezagutu genituen robotetan, eta hauen artean robot sozialtzat jotzen diren prototipo ezberdinetan, itxurak berak guregan zein erantzun sortzen dituen antzeman genuen proposaturiko zenbait dinamikekin. Sarean aurkitu ditzakegun prototipo hauen edozein irudi eta bideo ikustean erraz ohartu gaitezke analisi honen beharraz.

Neutraltasunik gabeko zientzia eta teknologia arloetan darabiltzagun deribak zuzentzeko badugu lana, identifikaziotik erabileretaraino. Hori bai izango litzakeela berebiziko adimena.

Sexu eta genero aniztasuna txertatzea lankidetza eta hezkuntza eraldatzaile ez-normatiboetan

Menderatze-hirukote batek zeharkatzen duen sistema batean bizi gara, hiru buruko eredu batean (neoliberala, etnozentrikoa eta heteronormatiboa), eta bere konplexutasun osoan begiratu behar diogu aurre egin ahal izateko. Zalantzarik gabe, aurrerapausoak eman dira Sexu eta Genero Aniztasunaren (DSG) ikuspegia arauz kanpoko lankidetzan txertatzeko, baina oraindik ere sumatzen diren erresistentziek gaia sakon jorratzeko saio bat antolatzera bultzatzen gaituzte.

Gaiari buruz hitz egin ahal izateko, Fernando Altamira izango dugu, INCYDE gizarte-ekimeneko kooperatibako kidea, Lankidetza eta Garapen Ekimenak, eta sexu- eta genero-aniztasunari buruzko ikertzailea nazioarteko lankidetzan, ikuspegi intersekzionaletik. Haren eskutik, DSGren ikuspegi bat nola txertatu azalduko dugu, zein ebaluazio-irizpide lagungarri izan daitezkeen bidea egiten jarraitzeko. DSGren meloia irekitzea ez da aukera bat eta datorren asteartean, martxoaren 23an, hausnarketa egiten jarraitu nahi dugu.

Saio hau bideokonferentziaz egingo da, jitsi plataformaren bidez. Zure lekua erreserbatzeko (edukiera mugatua egongo baita) eta saio honetaz nola gozatu jakin dezazun, idatz iezaguzu hezkuntza (arroba) euskadi.isf.es . Anima zaitez eta sareetatik ikusiko dugu elkar (modu seguruan)!

Saioa: Sexu eta genero aniztasuna txertatzea lankidetza eta hezkuntza eraldatzaile ez-normatiboetan

Hizlaria: Fernando Altamira

Data: Martxoak 23, asteartea

Ordua: 18:00-20:00 (GMT + 2)

Tokia: Jitsi aretoa (postaz jakinaraziko dizugu, izena eman ondoren)

Hizkuntza: Gaztelania

Patriarkatua eta heteronorma, eraikuntza zientifikoaren baldintzatzaile gisa

Zientzia aniztasuna zientzia hobea da izenburuarekin, pasaden martxoak 11an Lydia Gil-ek, dibulgatzaile zientifiko eta dokumentalistak, saio bat dinamizatu zuen; eta, bertan, gogoeta eginarazi zigun, zientzia arloan pertsonei buruz proiektatzen zaigun irudia berrikusteak duen garrantzian.

Zientzialari izatea oso lanbide baloratua da. Izan ere, Espainiako estatuan, lanbide horren balorazioa mediku izatearen atzetik baino ez dago. Baina, zer irudi datorkigu burura pertsona zientifiko bat irudikatzen dugunean? Galdera hori ehun bat umeri egin zieten, eta marrazteko eskatu zieten. Emaitza gizon bat izan zen, adinekoa, zuria, heterosexuala eta “friki” itxura zuena.

Hori da zientzialarien gizarteak dituen erreferenteen isla. Lydiak esan zigun, adibidez, testu-liburuetan %7,5 baino ez direla emakumeak; wikipedian 10 biografiatik 2 baino ez direla emakumeenak; edo 5 iritzi-zutabetik 1 baino ez duela emakume batek sinatzen. Zifra horiek are txikiagoak dira esparru zientifikoan.

Non daude zientzian askotariko sexualitateak eta identitateak dituzten pertsonak? Nola baldintzatzen ditu beren genero-identitatea eta sexualitatea lan zientifikoan? Zientzialariak askotarikoak dira: emakumeak, gazteak, pertsona arrazializatuak, LGTBI kolektibokoak, etab. Baina ikusezin bihurtzen dira, edo ezaugarri horietako batengatik nabarmentzen dira, beren lan zientifikoagatik nabarmendu beharrean. Ez da harritzekoa “emakume batek lehen aldiz irabazi du matematikako Nobel saria” edo “matematikaren sari noblea irabazi zuen errefuxiatua” bezalako izenburuak irakurtzea.

Garrantzitsua eta beharrezkoa da ikusaraztea zientzia anitza dela; hau da, pertsona zientifikoak askotarikoak direla; izan ere, Lydiak esan zuen bezala, neskak ezin dira ikusten ez dutena bihurtu. Ezinbestekoa da hainbat erreferente sortzea, eta zeregin horretan energia jarri behar dugu. Genero-estereotipo inplizituak eta heteronormaren inertzia haustea oraindik oztopo asko dauden bi bide dira.

Makinek generoa dute: Adimen artifizialean generoa bereizteko joera

Zientzia eta teknologia ez dira neutroak, eta generotik abiatutako bereizketaren joerak agerian geratzen dira adimen artifizialaren munduan ere. Algoritmo aseptikoek ez dituzte arraza, genero edo klase kontuak aintzat hartzen, baina, egia esan, bizi garen gizartearen isla diren eta gure erabakien ondorio diren datuetan oinarritzen dira. Zein eremutan aplikatzen dira algoritmo horiek eta zer ondorio dituzte gure gizartean?

Horretaz hitz egiteko, Olatz Arbelaitz eta Elena Lazkano EHUko Informatika Fakultateko irakasle eta ikerlariak izango ditugu. Haiekin batera, algoritmoek estereotipoak nola anplifikatzen dituzten eta joera hori ezabatzeko zein frontetatik egin genezakeen aurre aztertuko dugu. Gai honi buruz taldean hausnartu nahi baduzu, otsailaren 18ko osteguneko saiora gonbidatzen zaitugu.

Saio hau bideokonferentziaz egingo da, jitsi plataformaren bidez. Komunikazio-hizkuntza euskara izango da, eta xuxurlariekin batera egongo gara, aldi berean gaztelaniara itzultzen laguntzeko. Zure lekua erreserbatzeko (edukiera mugatua egongo baita) eta saio honetaz nola gozatu jakin dezazun, idatz iezaguzu hezkuntza (arroba) euskadi.isf.es Anima zaitez eta sareetatik ikusiko dugu elkar (modu seguruan)!

Saioa: Makinek generoa dute: adimen artifizialean generoa bereizteko joera

Irakasleak: Olatz Arbelaitz eta Elena Lazkano

Data: Martxoak 18, osteguna

Ordua: 18: 00-20: 00 (GMT + 2)

Tokia: Jitsi aretoa (postaz jakinaraziko dizugu, izena eman ondoren)

Hizkuntza: Euskara (xuxurlarien laguntzarekin)