ISF/MGI-ren identitatearekin bat egiten duten prozesuen artean, titulazio-lanen akonpainamendua aurkitzen da. Ziur gaude Gradu eta Master Amaierako Lanak (GrAL/MAL) gizarte-eraldaketaren zerbitzura jar daitezkeela, herri-mugimenduen eta unibertsitateko agente aliatuen artean harremanak ahalbidetzen.
Azken hilabeteetan, ISF/MGI-rekin lotura duten hiru ikasle aitortuak izan dira egindako ikerketen kalitateagatik. Gainera, ikerketa guztiak El Salvadorreko bazkidearekin, ADES Santa Marta, batera egin dira, eta horrek indartzen du horizontaltasunetik eta nazioarteko elkartasunetik aliantzak eraikitzeko dugun konpromisoa.
Mezu hau aprobetxatu nahi dugu, alde batetik, gure poza partekatzeko eta, beste alde batetik, Nagore, Iñigo eta Mitanek egin duten lan handi horren berri izateko. Beraz, kontatuko dizuegu.
UPV/EHUko Ikasleen VI. Kongresuan, Zientzia eta Gizarte Garapenaren eta Transferentziaren arloko Errektoreordetzak aurkeztutako GrAL onenak saritu zituen, ardatz desberdinetan sailkatuak. “Capacitación energética en torno a una instalación fotovoltaica en una comunidad rural de El Salvador” lanarekin, Nagore Cebrián García, Energia Berriztagarrien Ingeniaritzako graduko ikasleak, bigarren saria lortu zuen Oparotasuna kategorian. Gaur egun Nagore ISF/MGI-ko boluntarioa da eta energia burujabetzaren inguruan ikertzen jarraitzen du Energetikak taldean parte hartuz. Ildo honetatik, berriro gomendatu nahi dizuegu talde honek dinamizatutako ikerketa kolektiko batetik sortutako argitalpena: “Pobrezia energetikotik erresilientzia energetikora. Santa Martako (El Salvador) komunitatearekin batera ikuspegi Lokal-Globala barne hartuz”, hemendik deskargatu dezakezue.
Bestalde, Ingeniaritza Solidarioko Sarien bederatzigarren edizioak ISF/MGI sustatutako eta/edo lagundutako bi ikerketen lana aintzatesi du. Sari horiek maila federalean Mugarik Gabeko Ingeniaritzak antolatzen ditu eta edizio honetan estatu espainiar osoko Ingeniaritza eta Arkitektura Eskoletako ikasleen lanak parte hartu dute.
GrAL onenaren saria Iñigo Imaz Noguerasi eman diote, “Diseño de una red de abastecimiento de aguas en los cantones el Itcazal y Potrero Batres, municipio de San Isidro, El Salvador” lanagatik. Ingeniaritza Zibileko graduko ikaslea, Iñigoren lana irismen handiagoko prozesu baten barruan kokatzen da non Ur Batzordeen, erakunde autonomo eta subiranoen lurralde horietako uren kudeaketan, lana sendotzea bilatzen du.
MALren kasuan, saria Maitane Campos Sáinz jaso du hurrengo lanarekin: “El derecho humano al agua y al saneamiento en claves feminista y de desarrollo humano en el contexto de cooperación internacional del caserío El Rodeo (El Salvador)”. Maitanek Ikasketa Feministak eta Generokoak Masterrean ikasle gisa egin zuen bere titulazio-lana, eta bere aurkikuntza nagusiak hainbat espaziotan partekatu ahal izan ditu graduko eta graduondoko ikasleen aurrean, ikerketak bideratzeko beste modu batzuk daudela erakuskeko, partaidetzan eta metodologia feministetan arreta jarriz.Asko pozten gaitu lan hauek kalitate akadmikoagatik ez ezik, bizitzaren sostengarritasuna erdigunean jarriko duen sistema zientifiko eta teknologikoa eraikitzeko egin duten ekarpenagatik ere aitortu izanak. Zorionak hiruroi! Eta, gure aldetik, eredu hegemonikoaz gain, zientzia eta teknologia eraikitzeko beste modu batzuk daudela frogatzen duten ikerketak bultzatzeko lanean jarraitzen dugu. Horren erakusgarri, GrAL/MAL egiteko gaien katalogo berria, kolektibo eta gizarte-mugimendu desberdinekin hitz eginez sortu dena gizarte- eraldaketarako GrAL eta MALak bultzatzeko.