Ever Hernandezen bisita aprobetxatuz, Santa Martako komunitatearen egoeran murgildu gara.
Joan den urtarrilaren 11tik, El Salvadorreko lurraren eta lurraldearen sei defendatzaile modu arbitrario eta bidegabean espetxeratu dituzte. Santa Martako eta ADESeko komunitate-liderrak eta ingurumen-eskubideen defendatzaileak dira, Erdialdeko Amerikako herrialdean metal-meatzaritza debekatuko zuen lege bat lortzeko borrokan irmo inplikatu ziren ekintzaileak. Bukeleren gobernuak Zuzenbide Estatua zalantzan jartzen duen beste erasoaldi bat egin du, eta horrek komunitateetako defendatzaileen zaurgarritasun-egoera erakusten du.
Bi hilabete baino gehiago igaro dira giza eskubideen defendatzaileen aurkako erasoa gertatu zenetik, eta, hurrengo Aktibisten Eskolan, gure lankideen egoera eguneratu nahi dugu. Ever Hernández (ADES Santa Marta) gure lurretan egoteaz baliatuko gara berarekin hitz egiteko, eraso berri horiei buruz egiten duten analisiaz, komunitatean izaten ari den eraginaz eta diseinatzen ari diren etorkizuneko borroka-bideez. Era berean, Bertha Zuñiga Cáceresek, Hondurasko Herri Erakunde eta Indigenen Kontseilu Zibikoko (COPINH) kideak, parte hartuko du, egoera hau Mesoamerika osoan zehar erauzketa-ereduari ekiteko testuinguru zabalago batean kokatzen laguntzeko.
Saio hori aurrez aurre egingo da. Urrun bizi bazara eta laguntza behar baduzu etorri ahal izateko, esaiguzu. Saioa egingo den lekura heltzeko, igogailua erabil daiteke. Informazio gehiago behar baduzu, jarri gurekin harremanetan. Era berean, zure plaza erreserbatzeko (edukiera mugatua egongo da) eta saio honetaz gozatzeko moduaz informatzeko, idatz iezaguzu hezkuntza (arroba) euskadi.isf.es helbide elektronikora
Erauzketa-ereduaren aurrean, hemen bizitza defendatzen dugu!
Saioa: Erdialdeko Amerikako ingurumen-defendatzaileen eskubiden urraketa. Santa Martako kasua
Hizlariak: Ever Hernández (ADES Santa Marta) eta Bertha Zúñiga Cáceres (COPINH)
Data: martxoak 23, osteguna
Ordua: 18:00
Tokia: Bilboko Ingeniaritza Eskola. P1G3a gela
Hizkuntza: Gaztelania