Elkarlaneko simulazio-jokoa, erabaki politikoak ebaluatzeko
Klima-aldaketa, baliabide naturalak agortzea, hazkunde berdea, Green New Deal… Edozein erabaki politikok beste alderdi batzuekin lotutako inpaktuak izango ditu. Aurki daiteke bizi dugun krisi ekosozialari modu bidezkoan aurre egiten lagunduko diguten neurri politikoen multzo bat?
Datorren Aktibista Eskolan Global Sustainability Crossroads ezagutuko dugu: simulazio-joko partehartzailea, Valladolideko Unibertsitateko Grupo de Energía, Economía y Dinámica de Sistemas taldeak (GEEDS) diseinatua.
Berotegi-efektuko isurketen gaur egungo joerak abiapuntu gisa hartu eta isurketa horiek murrizteko mundu-mailako politiken ondorioak probatu ahal izango dituzu, bai eta politika horiek hurrengo hamarkadetako ekonomian eta ingurumenean nolako ondorioak izango dituzten ikusi ere. Besteak beste, ekonomiari edo energiari buruzko politikei edo teknologiaren bilakaerari buruzko erabakiak hartuko ditugu. Erabaki horiei esker, lortuko al ditugu 2050-80 urteetarako nahi ditugun ongizate-mailak, klima-aldaketaren ondorio arriskutsuak saihestuz?
Ikusiko dugu.
Saioa aurrez aurrekoa izango da, segurtasun-maila guztiak jarraituz. Aforoa mugatuta egongo da, beraz, zure plaza erreserbatzeko eta saio hau nola disfrutatu jakiteko, idatzi iezaguzu hezkuntza (a bildua) euskadi.isf.es helbidera. Anima zaitez Aktibista Eskolaren saio berezi honetan parte hartzera!
Izenburua: Nola diseinatuko zenituzke zuk bidezko irtenbideak krisi ekosozialerako?
Dinamizatzailea: Valladolideko Unibertsitateko Grupo de Energía, Economía y Dinámica de Sistemas taldea (GEEDS)
Eguna: otsailaren 18a, ostirala
Ordua: 10:00 – 13:00
Tokia: Sarrikoko Ekonomia eta Enpresa Fakultatea (B05-inf ikasgela – bulegoen eraikina).
Hizkuntza: gaztelania