Alternatiben eraikuntza nahita ikusezin bihurtzen duen testuinguru batean, premiazkoa da arrakalak irekitzea, lurralde honetan eta beste batzuetan sortzen ari denari buruz hitz egin ahal izateko. “Herrien energia” da arrakala horietako bat, Mexiko eta Guatemalako hiru landa eta hiri komunitateren historiari buruzko dokumentala, energia elektriko propioa ekoiztearen aldeko apustua egin baitute, energia eredu justu, herrikoi eta jasangarri baterantz urratsak emanez.
Dokumental honen zati bat proiektatu ondoren, elkarrizketara gonbidatuko ditugu burujabetza energetikoa eraikitzeko prozesuetan parte hartzen duten bi pertsonari. Teknologiaz hitz egiteaz gain, aurre egin behar diogun aldaketa kultural bortitza aztertu nahi dugu. Antonio Pacheco, ADES Santa Martako (El Salvador) koordinatzailea, eta Estitxu Villamor, Errekaleor Bizirik kolektibokoa eta UPV/EHUko irakaslea izango ditugu gurekin.
Saio hori aurrez aurre zein Jitsi plataformaren bidez jarraitu ahal izango da. Urrun bizi bazara eta laguntza behar baduzu etortzeko, esaiguzu. Saioa egingo den tokia ikasgela bat da, Eskolako igogailuaren bidez sartzeko modukoa. Informazio gehiago behar baduzu, jarri gurekin harremanetan. Era berean, zure plaza erreserbatzeko (edukiera mugatua egongo da) eta saio honetaz nola gozatu jakiteko, idatz iezaguzu hezkuntza (a bildua) euskadi.isf.es helbidera.
Saioa: Zinema-foroa: “Herrien energia”
Parte-hartzaileak: Estitxu Villamor eta Antonio Pacheco
Data: irailak 29, osteguna
Ordua: 18:00-20:00
Lekua: Jitsi & Bilboko Ingeniaritza Eskola, P1G3A gela
Hizkuntza: gaztelania
Izen emateak:hezkuntza(arroba)euskadi.isf.es