Ikuspegi transfeminista duen zientzia ikustarazteko serigrafía tailerra
Aurreko maiatzaren 21ean irteeratxoa egin genuen Arteara Torontilek eskainitako serigrafia tailerraz gozatzeko. Hausnarketa sustatzeko, tailerrera heldu baino lehen hainbat emakume, pertsona arrazoalizatu edota LGTBI kolektiboko pertsona ezberdinen ekarpenak jasota genituen, gure kabuz tailerrera heldu baino lehen esaldiak edota irudiak buruan izan genitzan, baina Basoara – Defendatzaileen etxera heldu ginenean Torontilek bazituen hainbat prest eta oso iradokigarriak izan ziren.
Tailerra (eta beste bi gela) eskaintzeaz gain, zientzia hegemonikoa zalantzan jartzeko formatu apartekoa eskaini ziguten torontiletik. Papel zuriaren aurrean gure ideak garatzeko denbora polita izan genuen, aspaldiko partez larunbat goiza lagunekin margozten pasatu genuen, txikitako askatasun eta poza berriz gureganatuz.
Ondoren, serigrafiaren teknika gure diseinuak erabiliz ikasi genuen, laba/garbiketa/tintura… Gure eskuak erabiliz gure eskulanen artea hautaturiko hiru diseinu poltsatan serigrafiatu genituen, baita jertse eta kamiseta batzutan ere. Oso modu dibertigarri eta paktikoan aritu ginen elkarrekin.
Bukatzeko, gure arteko saretzean sakonduz denok batera bazkaldu genuen eta solasaldiarekin bukatu ezinik apurka apurka aldendu ginen etxetik.