Interkonexio Elektrikorik EZ! plataformatik, “defensor del pueblo”ri gutuna idatziz, Bizkaiko Golkoko proiektuaren kontrako erresistentziaren parte izatera gonbidatzen gaituze:
Seguruenik jakingo duzuen bezala, hainbat urte daramatzagu Bizkaiko Golkotik interkonexio elektrikoa egiteko proiektuaren aurka. Proiektu hori funtsezkotzat jo da egungo trantsizio energetikoaren testuinguruan. Testuinguru horren baitan, energia-ekoizpena megaproiektuetan kontzentratzen da eta Europa zeharkatzen duen tentsio dgarapenak, megaproiektuetan oinarri duenak, elementu zentral batzuk ditu, eta horietako bat da proiektu hau. Proiektu garestia, bidegabea eta efizientziarik gabea da, eta mehatxu egiten dio trantsizio energetiko banatu eta armonizatuari, alegia, berriztagarriak lurraldeetan orekaz eta arrazionaltasunez hedatuko lituzkeen eredu bat eraiki ahal izateari.
Alderdi teknikoei eta ekonomikoei eta ingurumenari begiratuta, hamaika arrazoi daude proiektu honi aurka egiteko. Besteak beste, megaproiektu faraonikoa da, eta, hartara, zergadunen ekonomiarako bonba ekonomikoa bilakatzeko duen arriskuaz jabetuta gaude, Castor gas-biltegiaren kasuan gertatu zen bezala. Mehatxu hori egia izatetik gertuago dago orain, aurrekontuaren azken gorakadaz geroztik: 1750 milioi eurotik 3100 milioi eurora igo da egin beharreko inbertsioa, kontsumitzaile guztiek argindarraren fakturaren bitartez ordainduko duguna. Hori gutxi balitz bezala, CNMCk aurkeztutako azken akordioaren arabera, Espainiako familiek ordainduko lukete inbertsioaren zatirik handiena, etekin garbia Frantziarentzat izango den arren. Erabaki hori babesteko ez da inolako kostu-irabazien analisirik barne hartu, Europar Batasunaren 2022/564 ERREGELAMENDU DELEGATUAK araututakoari entzungor eginez.
Ustezko iruzur horren aurrean, eta negozio bilakatutako trantsizio energetiko honek eragiten digun haserrea erakusteko xedez, gutun-eredu bat prestatu dugu, denon artean gure kezka Arartekoari helaraz diezaiogun eta gure interesen alde egin dezan. Prentsa-ohar baten eredua ere prestatu dugu, komunikabideei eta herritarrei bidegabekeria honen berri emateko; izan ere, eta tamalez, gai garrantzitsu hau ez da jendarteratzen ari.
Email honen bidez, zuen babesa eskatzen dizuegu gutun hau bidaliz, zuen datuekin, Arartekoari (registro@defensordelpueblo.es), eta prentsa oharra zuen hedabideetan zabalduz. Nahi duzuen bezala eralda ditzakezue bai gutuna, bai prentsa-oharra.
